میرپور میں کشمیر پریمیئر لیگ فٹبال کا میلہ آٹھ اکتوبر سے سجے گا، چھ ٹیمیں میدان میں اتریں گیSports

<h2>چھ ٹیمیں، ایک ٹرافی</h2> لیگ میں شامل چھ ٹیموں میں میرپور واریئرز، مظفرآباد ٹائٹنز، پونچھ چیمپئنز، لداخ لیجنڈز، سرینگر اسٹرائیکرز اور جموں چیلنجرز شامل ہیں۔ وائس چانسلر کے مطابق ٹورنامنٹ کا مقصد باصلاحیت نوجوان فٹبالرز کو اپنی صلاحیتوں کے اظہار کا پلیٹ فارم فراہم کرنا ہے۔

پریس کانفرنس میں ڈویژنل ہیڈکوارٹر ٹیچنگ ہسپتال میرپور کے میڈیکل سپرنٹنڈنٹ، صدر کشمیر پریس کلب میرپور، پرنٹ اور الیکٹرانک میڈیا سے وابستہ صحافیوں، کمیونٹی ارکان اور مسٹ کے انتظامی افسران و عملے نے شرکت کی۔

<h2>کھیلوں سے صحت مند معاشرہ</h2> ڈاکٹر انور خطاب نے شرکا کو کے پی ایل فٹبال 2026 کے مقاصد اور اہمیت سے آگاہ کرتے ہوئے کہا کہ کھیل صحت مند اور سماجی طور پر ہم آہنگ معاشرے کے فروغ میں اہم کردار ادا کرتے ہیں۔ ان کا کہنا تھا کہ کھیلوں کی سرگرمیاں نوجوانوں کو نظم و ضبط، ٹیم ورک، قیادت اور صحت مند مقابلے کا جذبہ سکھاتی ہیں۔

انہوں نے مزید کہا کہ &ldquo;ون کشمیر، ون پیشن، ون گیم&rdquo; کا پیغام فٹبال کے ذریعے اتحاد، بھائی چارے اور اجتماعی جوش و جذبے کا اظہار ہے۔ ان کے بقول ایسے مقابلے باصلاحیت نوجوان فٹبالرز کو اپنی صلاحیتوں کے اظہار کا موقع دیتے ہیں اور نئی نسل کو کھیلوں میں بھرپور حصہ لینے کی ترغیب دیتے ہیں۔

وائس چانسلر نے کہا کہ تعلیمی ترقی اور تحقیق کے ساتھ ساتھ مسٹ طلبہ اور نوجوانوں کی ذہنی، جسمانی اور ذاتی صلاحیتوں کی نشوونما کے لیے پرعزم ہے۔ پریس کانفرنس کا اختتام دعا اور میڈیا، کمیونٹی نمائندگان، انتظامی افسران اور ٹورنامنٹ کے تمام معاون اداروں کے شکریے کے ساتھ ہوا۔