مری مظفرآباد ایکسپریس وے پر جلد کام شروع ہوگاAzad Kashmirmuzaffarabad

وفاقی وزیر مواصلات نے نیشنل ہائی وے اتھارٹی اور نجکاری کمیشن کو پبلک پرائیویٹ پارٹنرشپ اتھارٹی کے ساتھ مل کر کام کرنے کی ہدایات دیں تاکہ سڑکوں کے چار بڑے منصوبے پبلک پرائیویٹ پارٹنرشپ ماڈل کے تحت عملی شکل اختیار کر سکیں۔ ان منصوبوں میں مری ایکسپریس وے کی ستر کلومیٹر توسیع کر کے اسے مظفرآباد تک پہنچانا شامل ہے۔

اجلاس میں نیشنل ہائی وے اتھارٹی کو مستحکم بنانے کے لیے طویل مدتی مالیاتی منصوبہ بندی پر بھی بات ہوئی۔ وزیر مواصلات کا کہنا تھا کہ اگر ہائی وے اتھارٹی خود کفیل ہو جائے تو مستقبل کے منصوبے تیز رفتاری سے مکمل ہوں گے اور نجی سرمایہ کاروں کا اعتماد بھی بڑھے گا۔

یاد رہے کہ وزیر مواصلات نے گزشتہ ہفتے ایک تقریب میں بھی مری ایکسپریس وے کی مظفرآباد تک توسیع کا ذکر کیا تھا اور کہا تھا کہ اس سے عوام کو جدید سفری سہولتیں میسر آئیں گی۔ اس اعلان کے بعد اب باضابطہ فیصلہ آنے سے آزاد کشمیر کے شہریوں میں بہتر سفری سہولتوں کی توقعات بڑھ گئی ہیں۔

<h2>آزاد کشمیر کے لیے نئے راستے کی اہمیت</h2> عبدالعلیم خان نے کہا کہ مری ایکسپریس وے کی تعمیر کا مقصد آزاد جموں و کشمیر کو پاکستان کے مرکزی موٹروے اور ایکسپریس وے نیٹ ورک سے براہ راست جوڑنا ہے۔ اس سے مقامی شہریوں، سیاحوں اور بیرون ملک مقیم پاکستانیوں کے لیے سفر محفوظ اور آسان ہو جائے گا۔

اجلاس میں مختلف ہائی وے نیٹ ورکس کی مالی اور تجارتی صلاحیت کا بھی جائزہ لیا گیا تاکہ نجی شعبے کی شراکت کے امکانات کا تعین کیا جا سکے۔ شرکا نے غور کیا کہ موٹروے ایم-10 کے ایک سو انہر کلومیٹر حصے کو بھی پبلک پرائیویٹ پارٹنرشپ کے تحت مکمل کیا جا سکتا ہے۔

مزید برآں، اجلاس میں مانسہرہ، ناران، جھل کھنڈ اور چلاس موٹروے کو چینی سرحد سے جوڑنے کی تجویز بھی زیر غور آئی۔ ان منصوبوں کے عملی شکل اختیار کرنے سے خطے میں تجارت، سیاحت اور معاشی سرگرمیوں میں نمایاں بہتری متوقع ہے۔