سعودی عرب کا دفاع کیا جائے گا، مکہ معاہدہ خطے کے استحکام کی ضمانت ہے: ترجمان پاک فوجPakistan

ان کے مطابق معاہدے پر عمل درآمد مکمل طور پر دفاعی نوعیت کا ہوگا۔ دستوں کی تعیناتی، طریقہ کار اور معاہدے کے استعمال کی حکمت عملی سمیت تمام عملی فیصلوں کا اختیار آپریشنل کمانڈرز کے پاس ہوگا۔

لیفٹیننٹ جنرل احمد شریف چوہدری کا کہنا تھا کہ اس معاہدے کے بعد خطے میں بدنیتی رکھنے والے عناصر کسی بھی مذموم منصوبے پر عمل سے پہلے سو بار سوچیں گے۔ انہوں نے زور دیا کہ یہ معاہدہ کسی ریاست کو دشمن یا دوست قرار دینے کے لیے نہیں ہے، بلکہ اس کا واحد مقصد سعودی عرب کا دفاع ہے۔

<h2>ایران امریکا کشیدگی پر پاکستان کا موقف</h2> ایران اور امریکا کے درمیان بڑھتی ہوئی کشیدگی کے سوال پر ڈی جی آئی ایس پی آر نے بتایا کہ پاکستان دونوں ممالک کے درمیان جنگ کے خاتمے اور کسی معاہدے تک پہنچنے کی کوششوں میں مصروف ہے، اور یہ کردار آئندہ بھی جاری رہے گا۔ پاکستان کی خواہش ہے کہ اختلافات گھٹیں، مذاکرات کے ذریعے پُرامن راستہ نکلے اور تنازع مزید نہ پھیلے۔

ترجمان پاک فوج کے مطابق پاکستان نے مکمل غیرجانبداری کے ساتھ امریکا ایران جنگ بندی میں اہم کردار ادا کیا ہے، کیونکہ اسلام آباد کا اصل مفاد علاقائی امن و استحکام میں مضمر ہے۔ ان کا کہنا تھا کہ جنگ کے پھیلاؤ سے کسی فریق کو کوئی فائدہ حاصل نہیں ہوگا۔