پہلا ٹی ٹوئنٹی: سری لنکا کا ٹاس جیت کر پاکستان کیخلاف پہلے بیٹنگ کا فیصلہ، دو کھلاڑیوں کا ڈیبیوSports

پاکستان کی پلیئنگ الیون میں دو نئے چہروں کو موقع دیا گیا ہے — محمد عمران اور رضا اللہ آج اپنا ٹی ٹوئنٹی ڈیبیو کر رہے ہیں۔ کپتان صاحبزادہ فرحان کی قیادت میں ٹیم میں فخر زمان، معاذ صداقت، حسن نواز، صائم ایوب، شاداب خان، خواجہ نافع، نسیم شاہ اور ابرار احمد شامل ہیں۔

دوسری جانب سری لنکا کی پلیئنگ الیون کی قیادت کوشل مینڈس کر رہے ہیں۔ مہمان ٹیم میں لہرو اودارا، کامل مشارا، کامندو مینڈس، سہان آراچیگے، داسن شناکا، دونتھ ویلالگے، مہیش تھیکشانا، دشمنتھا چمیرا، ایشان ملنگا اور نووان تھشارا شامل ہیں۔

واضح رہے کہ یہ سیریز نئی قیادت میں پاکستان کے لیے اہم امتحان سمجھی جا رہی ہے، جہاں نوجوان کھلاڑیوں کو اپنی صلاحیتوں کے اظہار کا موقع ملے گا۔ شائقین کرکٹ کی بڑی تعداد اسٹیڈیم میں موجود ہے اور میچ کو لے کر زبردست جوش و خروش پایا جا رہا ہے۔