میرپور پولیس: 3 ارب سے زائد کی ریکوری، درجنوں گاڑیاں برآمدMirpurmirpur

اسی موقع پر منعقدہ تقریب میں ایس ایس پی خرم اقبال نے نمایاں کارکردگی کا مظاہرہ کرنے والے اسٹیشن ہاؤس افسران (ایس ایچ اوز) اور پولیس اہلکاروں کو تعریفی اسناد سے نوازا۔ انہوں نے افسران اور اہلکاروں کی کارکردگی کو سراہتے ہوئے جرائم پیشہ عناصر کے خلاف کارروائیاں مزید مؤثر بنانے اور شہریوں کو ریلیف فراہم کرنے کے عزم کا اظہار کیا۔

<h2>ویزا فراڈ کے خلاف وارننگ</h2> ایس ایس پی میرپور نے افسران کو ہدایت کی کہ جرائم پیشہ عناصر اور ویزا سے متعلق فراڈ میں ملوث افراد کے خلاف کوششیں تیز کی جائیں۔ انہوں نے اسلام آباد میں ویزا فراڈ سے جڑے ایک واقعے میں ایک طالبہ کی موت کا حوالہ دیتے ہوئے شہریوں پر زور دیا کہ بیرون ملک تعلیم، روزگار یا ویزا کی سہولت فراہم کرنے کا دعویٰ کرنے والے ایجنٹوں سے معاملہ کرنے سے پہلے ان کی قانونی حیثیت اور متعلقہ دستاویزات کی مکمل تصدیق کریں۔

خرم اقبال نے شہریوں کو مشورہ دیا کہ فراڈ کی صورت میں متعلقہ سرکاری اداروں سے رجوع کریں اور فوری شکایت درج کرائیں۔ انہوں نے کہا کہ شہریوں کی جان و مال کے تحفظ، جرائم کے خاتمے، چوری شدہ املاک کی واپسی اور فراڈ میں ملوث افراد کی گرفتاری کے لیے آپریشنز جاری رہیں گے۔

پولیس حکام کے مطابق میرپور کو پرامن ضلع بنانے کے لیے وسائل کی کمی کے باوجود پولیس دن رات مصروف عمل ہے، اور سماج دشمن عناصر کے مکمل خاتمے تک بھرپور کارروائی جاری رکھی جائے گی۔