ڈپٹی کمشنر آفس میرپور میں جلد ڈیجیٹل پورٹل، عوامی مسائل کا فوری حلMirpurmirpur

انہوں نے کہا کہ اس پورٹل کے ذریعے دنیا بھر میں موجود تارکین وطن کو ڈپٹی کمشنر آفس میرپور تک ڈیجیٹل آسان رسائی فراہم کی جائے گی تاکہ ان کے مسائل کو فوری ایڈریس کیا جا سکے۔ ان خیالات کا اظہار انہوں نے چیف ایگزیکٹو حیات گروپ آف نیوز پیپرز آزاد کشمیر و سینئر صحافی ممتاز علی خاکسار کے ساتھ اپنے چیمبر آفس میں خصوصی بات چیت کرتے ہوئے کیا۔

ڈپٹی کمشنر میرپور کا مزید کہنا تھا کہ ضلعی انتظامیہ عوامی خدمت، شفافیت اور میرٹ پر یقین رکھتی ہے۔ عوام کے جائز مسائل کا حل اولین ترجیح ہے، جائز کام کے لیے کسی سفارش کی ضرورت نہیں، ہر کام میرٹ اور قانون کے مطابق کیا جائے گا۔

ان کا مزید کہنا تھا کہ ڈیجیٹل پورٹل کے ذریعے آنے والی ہر درخواست کو شفاف انداز میں میرٹ پر ایڈریس کیا جائے گا، درخواست پر بنیادی کارروائی کر کے سائل کو مطلع کیا جائے گا۔ ڈپٹی کمشنر آفس کے دروازے عوام کے لیے 24 گھنٹے کھلے ہیں، شہری بلا جھجھک اپنے مسائل کے حل کے لیے رابطہ کر سکتے ہیں کیونکہ ضلعی انتظامیہ کی بنیادی ذمہ داری عوام کو ریلیف فراہم کرنا اور ان کے مسائل کو ترجیحی بنیادوں پر حل کرنا ہے۔