Daily Hayat – روزنامہ حیات
Daily Hayat
زبان / Languageاردو
Tuesday, September 22, 2026
E-Paper
mumtazkhaksar6@gmail.com
+92 345 8886292
© 2026 Daily Hayat. All rights reserved. Azad Jammu & Kashmir's Premier News Organization.
ADاشتہار / AdvertisementGoogle Ad
HomePakistanرابعہ احسن کو شوہر نے گولی ماری، راولپنڈی پولیس کا دعویٰ

رابعہ احسن کو شوہر نے گولی ماری، راولپنڈی پولیس کا دعویٰPakistan

hammadkhaksar
By hammadkhaksar
2026-11-17
2 min read

پولیس کا کہنا ہے کہ ملزم کا پولی گراف ٹیسٹ جاری ہے اور تمام شواہد فرانزک تجزیے کے لیے بھیج دیے گئے ہیں، جبکہ نیت کا سوال ابھی زیر تفتیش ہے۔

رابعہ احسن کو شوہر نے گولی ماری، راولپنڈی پولیس کا دعویٰ
Share:

راولپنڈی پولیس نے کہا ہے کہ ٹیلی ویژن اینکر پرسن رابعہ احسن کو ان کے شوہر احسن طاہر نے گولی ماری تھی، تاہم یہ جانچا جا رہا ہے کہ فائرنگ جان بوجھ کر کی گئی یا حادثاتی طور پر ہوئی۔

سٹی پولیس افسر حسن مشتاق سکھیرا نے پیر کو صحافیوں سے بات کرتے ہوئے کہا کہ ملزم کا موقف ہے کہ بندوق حادثاتی طور پر چل گئی تھی، تاہم تفتیش کار معاملے کے تمام پہلوؤں کا جائزہ لے رہے ہیں۔

ADاشتہار / AdvertisementGoogle Ad

انہوں نے بتایا کہ سینئر سپرنٹنڈنٹ پولیس (انویسٹی گیشن) کی نگرانی میں پیشہ ورانہ ٹیم تحقیقات کر رہی ہے، اہم شواہد اکٹھے کر کے پنجاب فرانزک سائنس ایجنسی لاہور کو بھیج دیے گئے ہیں اور ملزم کا پولی گراف ٹیسٹ بھی کیا جا رہا ہے۔

سکھیرا نے کہا کہ مقدمے میں صرف ایک شخص کو ملزم نامزد کیا گیا ہے، تحقیقات مکمل ہونے اور فرانزک رپورٹ آنے کے بعد چالان عدالت میں پیش کیا جائے گا۔

عدالت نے 14 نومبر کو ملزم کا مزید چار روزہ جسمانی ریمانڈ منظور کیا تھا۔

رابعہ احسن 8 نومبر کو راولپنڈی کے علاقے گلشن آباد میں اپنے گھر میں گولی لگنے سے جاں بحق ہوئی تھیں، ان کے بھائی خرم احمد کی شکایت پر صدر بیرونی تھانے میں قتل کا مقدمہ درج ہے۔

رابعہ احسن کو شوہر نے گولی ماری، راولپنڈی پولیس کا دعویٰ