Daily Hayat – روزنامہ حیات
Daily Hayat
زبان / LanguageEnglish
منگل، 22 ستمبر 2026•11:00 PMPKT
ای پیپر
mumtazkhaksar6@gmail.com
+92 345 8886292
جملہ حقوق بحق روزنامہ حیات محفوظ ہیں۔
ADاشتہار / AdvertisementGoogle Ad
صفحہ اولپاکستاناسلام آباد ہائیکورٹ کا بشریٰ بی بی کو جیل میں سہولیات دینے کا حکم

اسلام آباد ہائیکورٹ کا بشریٰ بی بی کو جیل میں سہولیات دینے کا حکمپاکستان

hammadkhaksar
hammadkhaksar
بدھ، 18 نومبر، 2026
3 منٹ
ہمیں فالو کریں:WhatsAppFacebook

عدالت نے 190 ملین پاؤنڈ کیس کی سماعت کے دوران بشریٰ بی بی کی میڈیکل رپورٹس طلب کرنے کی درخواست پر بھی غور کیا، جس میں ان کے وکلا نے خبردار کیا تھا کہ اسپیشلسٹ علاج کے بغیر وہ بینائی کھو سکتی ہیں۔

اسلام آباد ہائیکورٹ کا بشریٰ بی بی کو جیل میں سہولیات دینے کا حکم
شیئر کریں:

اسلام آباد ہائیکورٹ نے بشریٰ بی بی کو جیل میں ہر قسم کی ممکنہ سہولیات دینے کا حکم دے دیا ہے۔

عدالت 190 ملین پاؤنڈ کیس میں پاکستان تحریک انصاف کے بانی عمران خان اور بشریٰ بی بی کی سزا کے خلاف اپیلوں پر سماعت کر رہی تھی، اس کے ساتھ بشریٰ بی بی کی میڈیکل رپورٹس طلب کرنے کی درخواست پر بھی سماعت ہوئی۔

ADاشتہار / AdvertisementGoogle Ad

سماعت کے دوران عدالت نے حکام کو ہدایت کی کہ بشریٰ بی بی کو جیل میں ہر ممکن سہولت فراہم کی جائے۔ عدالت نے ریمارکس دیے کہ اگر بشریٰ بی بی کے لیے اسپیشلسٹ ڈاکٹر چاہیے تو ڈاکٹر مہیا کیا جائے، اور ان کے سیل میں سہولیات کا جو مسئلہ ہے اسے بھی حل کیا جائے۔

سماعت کے آغاز پر جوڑے کے وکلا نے اپیلوں پر دلائل شروع نہیں کیے تھے۔ لطیف کھوسہ نے سماعت کے آغاز پر کہا کہ بشریٰ بی بی کی جانب سے نئی درخواست بھی جمع کرائی گئی ہے، اور کہا کہ موجودہ کیفیت میں وہ بینائی سے بھی محروم ہو سکتی ہیں۔

چیف جسٹس نے کہا کہ اس متعلق خط لکھوا دیا گیا ہے۔ جسٹس سرفراز ڈوگر نے بیرسٹر سلمان صفدر کو بولنے سے روک دیا اور کہا کہ یہ چیف جسٹس کا آرڈر ہے کہ وہ اپیل پر دلائل کا آغاز کریں، اور یقین دہانی کرائی کہ عدالت کے اختیار میں جو مکمل انصاف ہے وہ دیا جائے گا۔

سپرنٹنڈنٹ جیل اڈیالہ نے عدالت کو بتایا کہ جیل مینوئل کے مطابق خواتین قیدیوں کی جیل سہولیات، صحت اور صفائی کا خاص خیال رکھا جاتا ہے۔

رپورٹس کے مطابق بشریٰ بی بی نے پیر کو اسلام آباد ہائیکورٹ سے رجوع کیا تھا اور اپنی خراب ہوتی ہوئی بینائی اور مستقل اندھے پن کے خطرے کے پیش نظر اڈیالہ جیل سے کسی اسپیشلسٹ اسپتال منتقل کرنے کا حکم مانگا تھا۔ ان کے وکلا کا کہنا تھا کہ انہیں میچور موتیا بند کی تشخیص ہوئی ہے اور ڈاکٹروں نے 15 نومبر کے آس پاس ایک اور سرجری کی سفارش کی ہے۔

درخواست میں عدالت سے یہ بھی استدعا کی گئی تھی کہ حکام کو ان کا مکمل میڈیکل ریکارڈ پیش کرنے کی ہدایت کی جائے اور یقینی بنایا جائے کہ انہیں تمام ضروری طبی اور سرجیکل نگہداشت ملے۔ ان کے وکلا نے ان کی حراست کی صورتحال پر بھی تشویش ظاہر کی تھی، جس میں ان کی قید کی جگہ کی صفائی بھی شامل ہے۔

عمران خان اور بشریٰ بی بی کو جنوری 2025 میں احتساب عدالت نے 190 ملین پاؤنڈ القادر ٹرسٹ کیس میں سزا سنائی تھی، جس میں عمران خان کو 14 سال اور بشریٰ بی بی کو سات سال قید کی سزا ہوئی تھی۔ ان کی اپیلیں اسلام آباد ہائیکورٹ میں زیر التوا ہیں، جس نے سماعت بدھ، 18 نومبر کے لیے مقرر کی تھی۔

اسلام آباد ہائیکورٹ کا بشریٰ بی بی کو جیل میں سہولیات دینے کا حکم