
بنوں میں انٹیلی جنس آپریشن، 4 دہشت گرد ہلاک
تازہ ترین خبریں
دنیا
کھیل
بین الاقوامی
عالمی خبریںٹیکنالوجی
شوبز
کالمز
ویڈیو رپورٹس
ہیلی فیکس برطانیہ میں سنئیر صحافی ممتاز علی خاکسار کے اعزاز میں دی گئی الوداعی تقریب — حیات ڈیجیٹل کی ویڈیو رپورٹ
تازہ تصاویر

مدینہ منورہ میں صاحبزادہ میاں محمد عمر بخش کے ساتھ گروپ فوٹو
مدینہ منورہ میں سجادہ نشین مرکزی دربار عالیہ کھڑی شریف صاحبزادہ میاں محمد عمر بخش کے ہمراہ حاجی محمد ریاض عالم ایڈووکیٹ اور صابر مغل کی گروپ تصویر۔

بریڈفورڈ میں وفد کی بیرسٹر امجد ملک سے خصوصی ملاقات
بریڈفورڈ — پاکستان سے آئے جسٹس الطاف ابراہیم قریشی اور بریڈفورڈ سے مسلم لیگ ن آزاد کشمیر کے سینئر نائب صدر ناظم علی، یوسف بندوری، سابق لارڈ میئر محمد شفیق اور سینئر راہنما مرزا محمد ادریس راجہ سمیت ایک وفد نے صوبائی وزیر اور وائس چیئرمین اوورسیز کمیشن پنجاب و چیف کوآرڈینیٹر انٹرنیشنل افیئرز بیرسٹر امجد ملک سے خصوصی ملاقات کی۔ بیرسٹر امجد ملک نے پاکستان سے آئے جسٹس الطاف ابراہیم قریشی، سابق ممبر الیکشن کمیشن اور ممبر اسلامی نظریاتی کونسل کو برطانیہ میں خوش آمدید کہا اور ان کے کردار اور تاریخ ساز اقدامات کو سراہا۔ وفد نے بیرسٹر امجد ملک کے عزیزوں سالیسٹر ندیم ملک اور نوجوان پائلٹ عبدالقادر کی رحلت پر فاتحہ خوانی کی اور دعا کی کہ اللہ تعالیٰ ان کو جوارِ رحمت میں جگہ عطا فرمائے۔ وفد نے بیرسٹر امجد ملک کو اوورسیز کمیشن پنجاب میں دو سال مکمل کرنے اور عمرہ کی ادائیگی پر مبارکباد دی۔ اس موقع پر بیرسٹر امجد ملک نے وفد کا شکریہ ادا کیا اور آزاد کشمیر الیکشن کے نتیجے میں بننے والی گیلانی حکومت پر اطمینان کا اظہار کرتے ہوئے تمام کابینہ کو مبارکباد پیش کی۔ انہوں نے کہا کہ برطانوی کشمیری کمیونٹی کو دہری مبارکباد کہ چوہدری عبدالرحمان آرائیں ایم ایل اے بھی منتخب ہوئے اور انہیں بیرسٹر گیلانی نے اپنی کابینہ میں بھی شامل کیا ہے۔ انہوں نے کہا کہ اوورسیز پاکستانی ہمارے لیے ایک سرمایہ اور بیرون ملک پاکستان کے سفیر ہیں۔ ہم لاہور آفس میں اور آن لائن ماہانہ کھلی کچہریاں منعقد کر رہے ہیں۔ وزیراعلیٰ پنجاب مریم نواز شریف نے چیف جسٹس عالیہ نیلم کے تعاون سے سینتیس اضلاع میں خصوصی عدالتیں تشکیل دے دی ہیں جو چھ ماہ میں مقدمات کا فیصلہ کریں گی۔ اسلامی معاشرے میں زمین پر ناحق قبضہ ایک لعنت ہے، حکومت اس پر زیرو ٹالرینس اپن رہی ہے۔ عوام 1350 پر کال کرکے کرپشن، رشوت اور غلط کام کو رپورٹ کریں۔ اوورسیز کمیشن پنجاب کی جانب سے بھی جنوری 2025 سے ماہانہ کھلی کچہری عوامی خدمت اور جواب دہی کا بہترین ذریعہ بنی ہیں۔ ہم انشاءاللہ یہ تمام نظام آزاد کشمیر میں بھی لے کر آئیں گے۔ انہوں نے برطانیہ میں تعینات سفیر عثمان ٹیپو سے اپنی ملاقات پر اعتماد میں لیا اور کہا کہ انشاءاللہ اگلے سال کشمیری کمیونٹی کی سہولت کے لیے کھلی کچہری کا انعقاد لندن ایمبیسی میں بھی کیا جا سکے۔ ناظم علی اور یوسف بندوری نے مشترکہ طور پر مطالبہ کیا کہ مظفرآباد، بھمبھر اور کوٹلی میں دانش اسکول دیے جا چکے ہیں اور وزیراعظم پاکستان سے دوبارہ یاددہانی ہے کہ میرپور میں دانش اسکول کھولنے کی درخواست قبول کی جائے۔ انہوں نے میرپور میں انٹرنیشنل ایئرپورٹ کی منظوری پر عمل درآمد کا مطالبہ بھی وزیراعظم تک پہنچانے کا مطالبہ کیا۔

میاں اسد اللہ اسسٹنٹ کمشنر انلینڈ ریوینیو ایکسائز میرپور تعینات
محکمہ انلینڈ ریوینیو آزاد کشمیر کے فرض شناس آفیسر میاں اسد اللہ کی اسسٹنٹ کمشنر انلینڈ ریوینیو ایکسائز میرپور تعیناتی پر چیف ایگزیکٹو حیات گروپ آف نیوز پیپرز آزاد کشمیر و سینئر صحافی ممتاز علی خاکسار نے ان کے آفس میں ملاقات کی اور مبارک باد دی۔ اس موقع پر اعجاز علی خاکسار، مرزا زوالفقار الحسن جرال اور چوہدری محمد اکرام بھی موجود تھے۔

ممتاز علی خاکسار کا ارسلان جاوید کے اہل خانہ سے اظہار تعزیت
پروفیسر ڈاکٹر ثاقب اسماعیل، چوہدری زاہد اسماعیل، اسٹیٹ افسر بلدیہ میرپور چوہدری بشارت حسین اور انسپکٹر شعبہ انسداد تجاوزات بلدیہ میرپور چوہدری طارق حسین کے نوجوان بھتیجے ارسلان جاوید کی وفات پر چیف ایگزیکٹو حیات گروپ آف نیوز پیپرز آزاد کشمیر و سینئر صحافی ممتاز علی خاکسار نے ان کی رہائش گاہ سیکٹر ای ٹو جا کر لواحقین سے اظہار تعزیت کیا اور مرحوم کے درجات کی بلندی کی دعا کی۔ اس موقع پر چیف ایڈیٹر روزنامہ پرواز میرپور اعجاز علی خاکسار، مرزا زوالفقار الحسن جرال اور دیگر بھی موجود تھے۔

HAMMAD TOOLS
WEBSITE DEVELOPED & DESIGNED BY HAMMAD TOOLS • OFFICIAL TECH PARTNER
































