ماہرین صحت کی فاسٹ فوڈ، تمباکو نوشی اور زیادہ کھانے سے خبردارHealth

آغا خان یونیورسٹی اسپتال اور کراچی پریس کلب کے اشتراک سے منعقدہ طبی کیمپ میں ماہرین نے کہا کہ بچوں میں فاسٹ فوڈ کے استعمال کی حوصلہ شکنی کی جائے اور سگریٹ نوشی سمیت تمباکو کی ہر قسم سے پرہیز کیا جائے۔

ڈاکٹر جاوید اے خان نے کہا کہ طرز زندگی میں تبدیلی وقت کی اہم ضرورت ہے اور باقاعدہ جسمانی سرگرمی کئی بیماریوں کے خطرے کو کم کر سکتی ہے۔ آغا خان یونیورسٹی کے اسسٹنٹ پروفیسر کارڈیالوجی ڈاکٹر یاور سعید نے کہا کہ پاکستان میں دل کی بیماریاں وبائی صورت اختیار کر رہی ہیں اور نوجوانوں میں بھی ہارٹ اٹیک کے کیسز بڑھ رہے ہیں۔