میرپور میں غیر معیاری ادویات بیچنے والوں کے خلاف سخت ترین کارروائی ہوگیمیرپورmirpur

انہوں نے واضح کیا کہ میڈیکل سٹور چلانے کی اجازت صرف اس شخص کو حاصل ہوگی جس کے نام پر ڈسٹرکٹ ہیلتھ آفس سے لائسنس جاری ہوا ہے۔ اگر کسی میڈیکل سٹور پر غیر متعلقہ شخص پایا گیا تو سٹور کو سیل کرنے کے علاوہ قانون میں موجود دیگر قانونی کارروائی بھی عمل میں لائی جائے گی۔

ان خیالات کا اظہار انہوں نے اپنے چیمبر آفس میں سینئر صحافی ممتاز علی خاکسار کے ساتھ شہر میں میڈیکل سے متعلق اہم ایشوز پر گفتگو کے دوران کیا۔

ڈرگ انسپکٹر سردار عبدالرحمن نے کہا کہ میرپور کے شہریوں کے لیے یہاں غیر معیاری ادویات کی فروخت کو کسی صورت برداشت نہیں کروں گا۔ اگر شہری کسی میڈیکل سٹور پر فروخت ہونے والی کسی غیر معیاری دوا کے متعلق کوئی شکایت درج کروانا چاہیں تو میرے آفس کے دروازے کھلے ہوئے ہیں۔